Курстун баяндалышы
Коомчулуктун кызыкчылыктарынын Эдвокасиси керектүү өзгөртүүлөрдүн пайдасына карата далилдердин жана аргументтердин негизинде чечимдерди кабыл алуучу адамдарга таасир этүү аркылуу саясатты, белгиленген тартипти же кандайдыр бир нерсеге мамилени өзгөртүү максатында уюштурулган аракеттерди билдирет. Эдвокаси боюнча ишти коомчулуктун кызыкчылыктарына тиешелүү көйгөйлөргө/маселелерге көңүл кош болбогон адамдар жасай алышат. Ал үчүн көйгөй/маселе жөнүндө билимге жана аны чечүү боюнча сунуштарга негизделген жеке позициясын туура жана так далилдөөнү, бул чечимге каршы болгон адамдарга жеткирүүнү билүү керек. Эдвокаси ишмердиктин ар кандай түрүн камтышы мүмкүн, анын ичинде: көйгөй жөнүндө бардык кызыкдар жактардын маалымдуулугун жогорулатуу, лоббирлөө, коалицияны түзүү, массалык маалымат каражаттары менен иштөө. Мында Эдвокаси боюнча иш алып барган уюмдар же топтор улуттук мыйзам ченемдүүлүктүн талаптарына өздөрү ылайык келиши керек. Эдвокаси боюнча жергиликтүү, улуттук, ошондой эле эл аралык деңгээлдерде иш алып барса болот.
«Эдвокаси: укуктарды коргоо жана коомчулуктун кызыкчылыктарын илгерилетүү» онлайн курсу Эдвокаси боюнча иш алып барууну каалаган жарандык коомдун адистерин даярдоо үчүн базалык курстардын бири болуп саналат. Аталган курстун алкагында Эдвокасинин аныктамалары жана башка чектеш түшүнүктөр, Эдвокаси кампанияларды пландоо жана жүргүзүү үчүн көйгөйлөрдү талдоо куралдары жана кызыкдар жактар, Эдвокасинин ар кандай стратегиялары жана тактикалары каралат; ошондой эле Эдвокаси кампанияларды пландоо этаптарына олуттуу көңүл бурулган.
Аталган курсту иштеп чыгууда тышкы чөйрөдөгү акыркы тенденцияларды жана өзгөрүүлөрдү, ошондой эле Эдвокасиге карата мамилелерди эске алуу менен Эдвокаси боюнча ар кандай өлкөлөрдүн материалдары жана тажрыйбалары колдонулган. Окутуучу курстун жүрүшүндө алынган сабактарды талдоо үчүн Эдвокаси боюнча өлкөлөрдүн мисалдары келтирилет.

Курстун максаттары
Онлайн окутуучу курстун максаты болуп Эдвокаси жаатындагы коомчулуктун кызыкчылыктары боюнча билимди жана көндүмдөрдү жакшыртуу саналат. Онлайн окутуу интерактивдүү ыкмага негизделген жана теориялык негиздерди, алынган билимдерди иш жүзүндө колдонууну айкалыштырат.
Окутуу курсунун жүрүшүндө каралуучу негизги суроолор болуп төмөнкүлөр саналат:
• Саясатта оң таасирдүү өзгөрүүлөргө жетишүү, кемчиликтери бар мыйзамдарды өзгөртүү, аярлуу топтун укуктарын коргоо үчүн бардык деңгээлде чечим кабыл алуучу адамдардын көңүлүн кантип буруу керек?
• Ар кандай кызыкдар тараптарды маанилүү маселелерди/көйгөйлөрдү чечүүгө кошулууга ынандыруу үчүн, аларды кантип активдештирүү керек?

Окутуунун божомолдонуучу натыйжалары
Окутуучу онлайн курсту аяктагандан кийин катышуучулар төмөнкүлөргө жөндөмдүү болот:
• эдвокасинин мүнөзүн жана элементтерин баяндап берүүгө, ошондой эле эдвокасини башка чектеш түшүнүктөрдөн айырмалай билүүгө
• эдвокаси көйгөйлөрдү/маселелерди талдоо куралдарын иш жүзүндө колдонууга жана аларды чечүү жолдорун издөөгө
• эдвокасинин иш жүзүндөгү стратегиялары жана тактикалары менен таанышууга
• эдвокаси кампанияны жүргүзүү боюнча планды иштеп чыгууга